Të gjithë i gjykojmë të tjerët sipas standardeve tona.

A duhet të kemi parasysh se të tjerët ndoshta kanë një udhëtim ndryshe? I gjykojmë tjerët pse nuk janë si ne, filani nuk është si unë dhe unë s’jam si ai.

Është i mirë nëse është siç jam unë, në të kundërtën nuk ia vlen.

E përse ai të mos mendoj siç unë mendoj, e të gjykoj me trurin tim.

Ai do të bëhet i mirë nëse ka standardin tim që unë e kam vendosur për veten time.

Të nderuar, këto janë çështje që hasim shpesh në shoqërinë njerëzore. Ndodh që shpesh prishen raportet familjare, por edhe mes shokëve, miqve e dashamirëve.

Këto janë tendenca për të ngulfat tjetrin nga qëndrimi dhe ndërtimi i imazhit personal. Imazhin tënd nuk është detyrim për tjetrin.

Është vullnet i Zotit dhe thirrje e Tij që njeriu të vendos vet, të përcaktohet, të mendoj dhe krijoi jetën dhe figurën e tij ashtu si e sheh më së  miri për veten, pa i bërë dëm askujt.