Ka edhe burra të mirë!

Ka edhe burra të mirë!

Po pra!
Ka edhe të mirë
Të tillë që nuk të detyrojnë, por të respektojnë dëshirat
Burra që nuk të fyejnë
Nuk të sundojnë e nuk të kontrollojnë
Të tillë që nuk qeshin me idetë tua
Dhe nuk e godasin tavolinën kur dalin nga takti

Po pra!
Ka edhe burra të mirë
Që me gruan ndajnë jetën
Dhe nuk e tradhëtojnë me tjetrën
Të tillë që përpiqen për familjen, për shtëpinë e të ardhmen

Burra që nuk janë përdhunues
Të tillë që ecin rrugës së vet
Nuk e kthejnë kokën me të fishkëllu
Nuk e hapin dritaren e veturës me të lëshi fjalë e me të ofendu

Ka edhe burra të mirë
Mehlem i plagëve të familjes
Forcë e mburojë e shtëpisë

Të tillë që nuk çojnë dorë mbi gruan
Nuk përdorin dhunë
Burra që janë bekim për gruan, e mbështesin dhe me sinqeritet e duan

Një burrë i tillë meriton respekt
Dashuri pa fund e dinjitet!

Blerina Ademi Sahiti